|
龍門老闆﹕香港人現在才懂來最後一日，攝友多過茶客。
真係一個好好既例子。
有好多時，
口口聲聲話支持舊事物，但係結束個日先識得走黎欣賞，
呀唔係……係「影相」，乜你有支持過咩？
不如拎返部「ＬＶ相機」去海港城影相啦。
既然講到自己咁鍾意，點解唔去欣賞下佢真正既「賣點」呢？
而家就係因為冇人支持，冇人幫襯，要去到結束既局面，
你話你覺得好可惜？我話我覺得好可笑呀，
講同做兩回事，唔可笑可咩呀？
真正既支持唔係掛係個咀度架，
「伯伯雖然現在行動不便得坐輪椅，還是照舊每天來飲茶。」
使乜講咁多野唧？晒氣啦，行動最實際！
|
| |
|
有日係石硤尾亂逛，
經過後巷見到有間舊式理髮店，入面既理髮師係度拉緊二胡。
我聽左一陣，想同佢傾下計，不過又廢是阻住佢。
於是我係後巷行左一陣，返轉頭見到佢睇緊報紙，咁我就打算同佢傾幾句。
因為我見到佢身邊有個破舊既小提琴盒，
所以我問佢：
「咦…你有拉開小提琴架？」
佢一邊睇報紙一邊答我：
「係呀，平ｄ讓俾你丫。」
我：
「我唔係想要，見你有部琴係度，諗住你都有拉開咁唧。」
佢：
「讓俾你丫。」
我：
「我唔係想要呀。」
佢：
「平ｄ讓俾你丫。」
我：
「‥‥‥」
終於，我冇禮貌到連再見都冇講就走左。
後巷既另一個盡頭，又係一間舊式理髮店，
入面有位客人幫襯緊，我仲見到有兩隻貓咁大既老鼠係佢地腳既附近嬉戲緊，
佢地竟然若無其事，佩服佩服。
|
| |
